عصيدة الزقوقو- خطوة بخطوة بالصور (التونسية)

[ThECoOLzER0]

عســـلامة



كي العادة و الله لا يقطعلنا عادة


كيف يقرب المولد، تفوح معاه ريحة العصيدة


عصيدة الزقوقو بالطبيعة





-----------------------


المكــونات:


1كغ زقوقو
رطل فارينة
رطل سكر -حسب الذوق-
3.5ل ماء






للزينــة:
4 قراطس كريمة فانيليا
2ل حليب
16 مغرفة سكر
و أيضا نحضر المكسرات حسب الأذواق





نبداو باسم الله
بعد ما نضفنا الزقوقو و رحيناه بالرحا التقليدية -باليد- مرتين أو ثلاثة
نزيدوه 1ل ماء و نخليوه يتنفخ
تجي بعدها مرحلة التصفية:



أول مرة نصفيوه بغربال -طلاّع- كيما الي في التصويرة



و نقعدو نزيدو في الماء للزقوقو الي يبقى في الغربال



و نعاودو نصفيوه بنفس الغربال حتى لين يوفى الماء
و ما يبقى كان لقشور




و امبعد نصفيوه بغربال Inox






و نزيدو نصفيوه بغربال -شعر-
باش نضمنو الي الزقوقو اتصفا بالقدا



بعد التصفية نزيدو الفارينة



و بعد الفارينة.. نزيدو السكر




و نرجعو نصفيوه مرة أخرى بغربال -طلاع- أكهو





و امبعد انحطو الخليط على القاز





نقعدو انعصدو شويا و انخليوها تغلي شوية من غير ما تشد في القاع
و انعاودو انعصدو
باش ما يطلعش فيها مطعم الفارينة
مع إضافة قليل من العطرشية للي يحب
-------


امبعد ما طابت العصيدة، نحطوها في صحافي



و من بعد ما ترتاح أو من غدوة نضيفولها الكريمة


و قبل ما نقدموها، نزيدوها الفاكية من فوق



صحة و بالشفا ليكم
و يرحم مين ربّا و ورّا

[بات مان]

hhhhhhhhhhhhhh
tri8tk fi al tfsir tha7ktni
w merci 3ala al mawth3

[ThECoOLzER0]

زعيم كي فرحان بينا هاكي الفايدة

شكرا على المرور

تحياتي سيد الزعيم

[fares ri]

مشكوور على الوصفات